أنت لم تسجل دخولك بعد
تسجيل الدخول هنا
-------------------
Welcome to Araphil
Register Now
 
أختار اللغة بالأعلى
أضغط بالأسفل - ما يمكن أن تفعله فى أرافيل
أقرأ المقالات   تصفح المدونات   شارك فى المنتدى
Find and Marry Filipino girl - أرافيل:كل شئ عن الفلبين والعرب فى الفلبين






النتائج 1 إلى 16 من 16

الفرق بين الراجل الفلبينى والراجل المصرى

  1. #1

    الفرق بين الراجل الفلبينى والراجل المصرى

    دايما السؤال المعتاد هنا هو ايه الفرق بين المرأه المصريه والمرأه الفلبينيه وتلاقى كتير بيميز المرأه الفلبينيه عن المصريه جايز سوء فهم للمرأه المصريه او جايز ان المرأه المصريه والراجل المصرى معظمهم مش متفاهمين وعموما هى وجهات نظر وتحترم طبعا
    بس السؤال بقى زى مافيه اللى بيميز الست الفلبينيه عن المصريه اكيد فيه اللى بيميز الراجل الفلبينى عن الراجل المصرى ياترى بقى ايه الفرق بينهم؟

  2. #2
    حلو السؤال يا ميرا 👍
    بصي برغم اني بختلف كتير مع شخصية الراجل المصري لاء انا تقريبا ضده في كتير بس حرام المقارنة الرهيبه ديه انا اصلا معرفش ومسمعتش غير عن ستاتها بس فين بقي وجود الراجل الله اعلم يا بنتي ديه الست الفلبينية بتتجوز الراجل الشرقي وبتكون مبسوطة يا نهار ابيض ده معناه ان الراجل الفلبيني ميتعشرش بقي وبعدين انا اصلا مش شيفاهم علي الخريطة من اساسه ديه بلد نسبة الدعارة فيها والرقيق الابيض مرتفعة جدا تبقي فيها رجاله ازاي اتقي الله مش علشان رجاله بلدنا ظالمين نبقي احنا كمان ظالمه ..اديهم حقهم بلاش تعملي زيهم ..

  3. #3

    Thumbs up

    اقتباس المشاركة الأصلية كتبت بواسطة mera مشاهدة المشاركة
    دايما السؤال المعتاد هنا هو ايه الفرق بين المرأه المصريه والمرأه الفلبينيه وتلاقى كتير بيميز المرأه الفلبينيه عن المصريه جايز سوء فهم للمرأه المصريه او جايز ان المرأه المصريه والراجل المصرى معظمهم مش متفاهمين وعموما هى وجهات نظر وتحترم طبعا
    بس السؤال بقى زى مافيه اللى بيميز الست الفلبينيه عن المصريه اكيد فيه اللى بيميز الراجل الفلبينى عن الراجل المصرى ياترى بقى ايه الفرق بينهم؟
    أولا ياستي مين قال ان الست الفلبينية بتميز عن الست المصرية ؟ أكيييد حد عاشر دي وعاشر دي وتجربته مع الفلبينية أفضل من تجربته مع المصرية ؟

    للاسف في ستات مصريات صعب جدا تعيش معاهم زي بالظبط ما في رجال مصريين صعب جدا تعيش معاهم يعني مفيش قاعدة مين أحسن من مين وللأسف محاكم الأسرة مكتظة بالقضايا واللي بيدفع التمن الأبناء .

    عن قناعة شخصية ودون تحيز الست المصرية هي الأصل هي السند

    الست المصرية بلا مبالغة تاج على رأس الرجل يزين حياته ويملاها بهجة وسرور ويفضي جيوبها بالمناسبة بردو ..نقول اللي لينا واللي علينا ...ربنا يستر.

    حاجة أخيرة الرجل الفلبيني مش بيتميز عن المصري نهائي حتى في الجمال...انتي تعرفي ان ملك جمال العالم للرجال في المسابقة اللي كانت في الفلبين من شهر مصري ...هههه اه والله .

    مشكور على طرح الموضوع وفكرة جميلة مشكورة عليها وننتظر المزيد يا مبدعة.

    دمتي ف يخير

  4. #4
    هههههههه اه انا مع حضرتك من ناحية الجمال الراجل المصرى احلى
    وبصراحه مشكور على انصافك للست المصريه

  5. #5
    شكرا علي ذوقك واعترافك بدور بعض السيدات المصريات في تحمل المسؤلية ووصفها بالسند ...
    سؤال حضرتك مصري مظبوط .

    شكرا علي رأيك مره اخري اخي الكريم .

  6. #6
    اقتباس المشاركة الأصلية كتبت بواسطة Gadaa essam مشاهدة المشاركة
    حلو السؤال يا ميرا 👍
    بصي برغم اني بختلف كتير مع شخصية الراجل المصري لاء انا تقريبا ضده في كتير بس حرام المقارنة الرهيبه ديه انا اصلا معرفش ومسمعتش غير عن ستاتها بس فين بقي وجود الراجل الله اعلم يا بنتي ديه الست الفلبينية بتتجوز الراجل الشرقي وبتكون مبسوطة يا نهار ابيض ده معناه ان الراجل الفلبيني ميتعشرش بقي وبعدين انا اصلا مش شيفاهم علي الخريطة من اساسه ديه بلد نسبة الدعارة فيها والرقيق الابيض مرتفعة جدا تبقي فيها رجاله ازاي اتقي الله مش علشان رجاله بلدنا ظالمين نبقي احنا كمان ظالمه ..اديهم حقهم بلاش تعملي زيهم ..
    معاكى حق انا كمان ضد الراجل المصرى فى حاجات كتير بس سؤالى مش معناه انى بظلم الراجل المصرى لا بالعكس زى مافيه عيوب فيه مميزات وايضا الفلبينى اكيد فيه عيوب وفيه مميزات وسؤالى بقى ايه عيوبه وايه مميزاته وهل يوجد ما يميزه عن الراجل المصرى ام لا
    يعنى لو حد عنه تجربه شخصيه اكيد هو االلى هيعرف يجاوب على السؤال ده

  7. #7
    اقتباس المشاركة الأصلية كتبت بواسطة mera مشاهدة المشاركة
    هههههههه اه انا مع حضرتك من ناحية الجمال الراجل المصرى احلى
    وبصراحه مشكور على انصافك للست المصريه
    من ناحية الجمال بس لا بقى ده من ناحية كل حاجة أنا كمصري بقول أن الرجل المصري أحسن ولو سألتي الفلبيني هيقول الفلبيني أحسن بس لو عايزة الصراحة في حتى الأحسن والأوحش دي أنا برجعها لنقطة واحدة بس وهي التقوى ..يعني راجل فلبيني بيعامل أسرته بما يرضي الله ومش شرط انه مسلم ولا لا ..
    وكل رجل مصري بيعامل أسرته بما يرضي الله هو أحسن راجل في الدنيا.

    الرسول صلى الله عليه وسلم قال ..لا فضل لعربي على أعجمي الآ بالتقوى....صدق رسول الله صلى الله عليه وسلم

  8. #8
    اقتباس المشاركة الأصلية كتبت بواسطة Gadaa essam مشاهدة المشاركة
    شكرا علي ذوقك واعترافك بدور بعض السيدات المصريات في تحمل المسؤلية ووصفها بالسند ...
    سؤال حضرتك مصري مظبوط .

    شكرا علي رأيك مره اخري اخي الكريم .
    العفو يافندم... فعلا لست المصرية سند ..أمال أيه...هي اللي بتأخذ من الرجل فلوسه ..علشان تجيب طلبات البيت بس مش حاجة تانية خالص زي ماك أب ولا فستان لا خااااالص ...تبقى سند ولا لا من غيرها هيعرف ا لراجل هيصرف فلوسه فين وازاي ..

    كمان الست مش بتدي فرصة للراجل يقعد في البيت في هدوء يعني ديما تلاقي بقى المسلسل الكوري ده شغال وبعديه المسلسل الهندي شغال وبعديه المسلسل الصيني شغال تقلش عايشة مع مرشدة سياحية يعني بتوفر كده جوا من النشاط والحيوية والحياة جوا البيت..تبقى سند ولا لا من غيرها هيعرف منين ثقافات الشعوب التانية وهيعيش في نشاط كده ودوشة ازي ..

    كمان مننساش الست المصرية بارعة في طولة البال يعني خليكوا تروحوا تشتروا حاجة شوبنج بقى ياه ملهاش دعوة بقى بالوقت خالص يعني الستات في الشوبنج بتفقد الشعور بالزمن حقيقي ودي ميزة في الست المصرية ليه بتخرج الراجل مش بس عن شعوره لا عن الملل بقى والشغل وتخليه يغير موود يعني الحياة مش شغل بس لا لازم نخرج شوية ونغير جوا يعني بدجل ما انت قاعد على المكتب لا اخرج اقف شوية علشان وجع الضهر الحركة بركة. من غير الست كنا هيتعمل فينا كده ازاي ..

    ياااه ممكن أتكلم عن مميزات الست المصرية لحد الصبح عادي بس كفاية كده.

    شوية جد بقى أهم حاجة بتميز المصرية الأصيلة وبكرر الأصيلة ودول كتييير أوي انها جدعة وديما بتقف مع جوزها وسند حقيقي .

    يا غاده هانم أحنا من غيركم لا نعرف نروح ولا نجي وربنا يخليكوا لينا

    دمتي في خير

  9. #9
    ياااااااااه كل ده شايله في قلبك وساكت لا حولا ولا قوة الا بالله العلي العظيم ....
    بص يا سيدي حضرتك مااخدتش بالك من جملتي اللي هي ( بعض السيدات) وهنا مقولتش كلهم لان اكيد لكل قاعدة شواذ وبردو مأخدتش بالك اني قولتلها ان حرام المقارنة وعلي فكرة انا بتكلم بجد انا مقارنش ابن بلدي حتي ان وجد منه النموذج السيئ باي رجل في العالم لييييييييه بقي علشان يا سيدي انا مع الراجل المصري سواء ابويا.... او اخويا ....او جوزي ببقي مطمنه وانا نايمة وانا ماشية في الشارع واي حته علشان الراجل المصري دمه حر حتي لو مش بيحب مراته فابردو بيخاف عليها وعلي سمعته
    عنده كده شويه مبادئ واصول مش هتلاقيها غير عنده ...انما بالنسبة لكل اللي ذكرته عن الست ديه مش عيوب جوهرية كلها سطحية وسهل التعامل معاها ونسيت ان مش كل الستات كده ونسيت ان الحالة الاقتصادية السيئة خليتها لا بتنزل تعمل شوبنج ولا غيره ولا حتي بتعرف تعمل شوبنج لطلبات البيت اللي هي طلبات الاسرة مش بتاعتها لوحدها
    ونسيت انها نزلت اشتغلت علشان تخفف من عليه الضغط ده وانها قادرة تعيش علي اد امكانياته البسيطة لانها شافت معاه خير ...مش كل الستات زي بعضها ولا كل الرجالة زي بعض ... اكيد منهم الصالح ومنهم الطالح ..

    .... ايها الرجل المصري....

  10. #10
    اقتباس المشاركة الأصلية كتبت بواسطة ahmedelngar2010 مشاهدة المشاركة
    من ناحية الجمال بس لا بقى ده من ناحية كل حاجة أنا كمصري بقول أن الرجل المصري أحسن ولو سألتي الفلبيني هيقول الفلبيني أحسن بس لو عايزة الصراحة في حتى الأحسن والأوحش دي أنا برجعها لنقطة واحدة بس وهي التقوى ..يعني راجل فلبيني بيعامل أسرته بما يرضي الله ومش شرط انه مسلم ولا لا ..
    وكل رجل مصري بيعامل أسرته بما يرضي الله هو أحسن راجل في الدنيا.

    الرسول صلى الله عليه وسلم قال ..لا فضل لعربي على أعجمي الآ بالتقوى....صدق رسول الله صلى الله عليه وسلم
    صدق رسول الله صلى الله عليه وسلم
    اكيد طبعا اى راجل بيعامل اسرته بما يرضى الله يبقى احسن راجل فى الدنيا والست بردو اللى بتعامل اسرتها بما يرضى الله تبقى احسن ست فى الدنيا

  11. #11
    اقتباس المشاركة الأصلية كتبت بواسطة Gadaa essam مشاهدة المشاركة
    ياااااااااه كل ده شايله في قلبك وساكت لا حولا ولا قوة الا بالله العلي العظيم ....
    بص يا سيدي حضرتك مااخدتش بالك من جملتي اللي هي ( بعض السيدات) وهنا مقولتش كلهم لان اكيد لكل قاعدة شواذ وبردو مأخدتش بالك اني قولتلها ان حرام المقارنة وعلي فكرة انا بتكلم بجد انا مقارنش ابن بلدي حتي ان وجد منه النموذج السيئ باي رجل في العالم لييييييييه بقي علشان يا سيدي انا مع الراجل المصري سواء ابويا.... او اخويا ....او جوزي ببقي مطمنه وانا نايمة وانا ماشية في الشارع واي حته علشان الراجل المصري دمه حر حتي لو مش بيحب مراته فابردو بيخاف عليها وعلي سمعته
    عنده كده شويه مبادئ واصول مش هتلاقيها غير عنده ...انما بالنسبة لكل اللي ذكرته عن الست ديه مش عيوب جوهرية كلها سطحية وسهل التعامل معاها ونسيت ان مش كل الستات كده ونسيت ان الحالة الاقتصادية السيئة خليتها لا بتنزل تعمل شوبنج ولا غيره ولا حتي بتعرف تعمل شوبنج لطلبات البيت اللي هي طلبات الاسرة مش بتاعتها لوحدها
    ونسيت انها نزلت اشتغلت علشان تخفف من عليه الضغط ده وانها قادرة تعيش علي اد امكانياته البسيطة لانها شافت معاه خير ...مش كل الستات زي بعضها ولا كل الرجالة زي بعض ... اكيد منهم الصالح ومنهم الطالح ..

    .... ايها الرجل المصري....
    التعليق يافندم من باب الكوميديا والسخرية على بعض الاوضاع الغلط بس ...

    الستات مش زي بعض والرجالة مش زي بعض وعلى فكرة للأسف الشديد أنا من فترة وبدأت أفكر أيه اللي غير الشخصية المصرية يافندم لي صديق في النيابة كان بيكلمني ان قضايا محكمة الأسرة فاقت الخيال والطلاق بقى لاتفه الاسباب .....الست المصرية مبقتش زي أمنا اللي ربتنا وده مش تعميم ...في ستات فضليات وفي ستات مصريات بصراحة ميستهلوش حتى الجنسية المصرية.

  12. #12
    نسيت اقولك انا واحده من الناس مبتفرجش علي التليفزيون تقريبا ...وبعدين انتوا بتعرفوا تعيشوا من غيرنا عادي خالص واحنا كمان بدليل المحاكم اللي ذكرتها في تعلقيك السابق ...وكمان من غيرنا هتعرفوا تروحوا وتيجوا بردو عادي والله بدليل بعض الرجال والسيدات اللي شريك حياتهم يتوفاه الله بيكملوا عادي ..

    ( مره آخري أخي الفاضل )

  13. #13
    اقتباس المشاركة الأصلية كتبت بواسطة mera مشاهدة المشاركة
    صدق رسول الله صلى الله عليه وسلم
    اكيد طبعا اى راجل بيعامل اسرته بما يرضى الله يبقى احسن راجل فى الدنيا والست بردو اللى بتعامل اسرتها بما يرضى الله تبقى احسن ست فى الدنيا
    كلام جميل وكلام معقول مقدرش أقول حاجة عنه

  14. #14
    علي فكرة انا عارفة ان تعليقك من باب الكوميديا وعلي فكرة ضحكني اول ما قريته ....
    بس ديه الفكرة السائده لدي الرجال بجد مش هزار وانا برد وبدافع مش هجوم عليك ده هجوم علي الفكر والمبدئ عموما .....وبعدين انا مستغربة جدا هو الموقع ده كله رجاله مفيش ست تساندني في الرد عليك ايه الظلم ده ...

    ...شكرا اخي الكريم...

  15. #15
    اقتباس المشاركة الأصلية كتبت بواسطة Gadaa essam مشاهدة المشاركة
    علي فكرة انا عارفة ان تعليقك من باب الكوميديا وعلي فكرة ضحكني اول ما قريته ....
    بس ديه الفكرة السائده لدي الرجال بجد مش هزار وانا برد وبدافع مش هجوم عليك ده هجوم علي الفكر والمبدئ عموما .....وبعدين انا مستغربة جدا هو الموقع ده كله رجاله مفيش ست تساندني في الرد عليك ايه الظلم ده ...

    ...شكرا اخي الكريم...
    ههههههههه هو صحيح ميرا بمية راجل بس بردو بنعتبرها بنت بس هي تلقيها مشغولة حبتين في تبخير المنتدى هههههه

  16. #16
    اقتباس المشاركة الأصلية كتبت بواسطة ahmedelngar2010 مشاهدة المشاركة
    ههههههههه هو صحيح ميرا بمية راجل بس بردو بنعتبرها بنت بس هي تلقيها مشغولة حبتين في تبخير المنتدى هههههه
    هههههههههههههههه لا مش مشغوله ولا حاجه انا بخرت المنتدى خلاص