أنت لم تسجل دخولك بعد
تسجيل الدخول هنا
-------------------
Welcome to Araphil
Register Now
 
رحلة في حديقة حيوان مانيلا

Booking.com

النتائج 1 إلى 11 من 11

الموضوع: رحلة في حديقة حيوان مانيلا

  1. #1

    Smile رحلة في حديقة حيوان مانيلا

    الاســـم:	a.JPG
المشاهدات: 0
الحجـــم:	356.5 كيلوبايت


    الفلبين من غير أي شك واحدة من أجمل الدول اللي ربنا حباها بمناظر طبيعية خلابة تأخذ العقل ولولا ما تعانيه دولة الفلبين من بعض الاضطرابات في الجنوب وبعض التحديات الأمنية هنا أو هناك تظل الفلبين هي الدولة اللي فيها أكتر من سبعة الآف جزيرة من صنع الخالق تصور روعة هذا البلد كيف تكون.

    اليوم حبيت أصطحب حبايبنا في أرافيل وزوارنا الكرام في رحلة داخل واحدة من أهم معالم الفلبين اللي لو أنت حضرتك ناوي تزور الفلبين يبقى لازم تزور هذا المكان المهم وطبعا مش هوصيك على الصور التذكارية اللي ممكن تأخذها في المكان ده.

    رحلتنا النهاردة هتكون الى حديقة حيوان الفلبين ياريت كل واحد يربط حزام الأمان ويستعد للرحلة بجد انش اء الله تكون رحلة شيقة
    أزاي نروح حديقة الحيوان في الفلبين؟

    الحديقة دي موجودة في مالاتي داخل عاصمة الفلبين مانيلا والوصول ليها سهل جدا يعني حضرتك لو معاك عربيتك تقدر من خلال تطبيق خرائط جوجل توصل بسهولة جدا وممكن تستقل أنت وأسرتك أي تاكسي وتطلب منه أن يقلك الى حديقة حيوان مانيلا وللعلم اليفطة اللي على باب الجنينة مكتوب عليها حديقة حيوانات الفلبين والحديقة النباتية يبقى كده اتفقنا هنروح أزاي.

    كده وصلنا الى الحديقة بسلام تعالوا نشوف أسعار التذاكر أيه... بص ياسيدي زي ما شباك التذاكر معلن دي الأسعار للمواطنين الفلبينين البالغين خمسين بيسو والأطفال بتدفع عنهم ثلاثون بيسو فلبيني للتذكرة.

    الاســـم:	Manila Zoo Entrance Gate.JPG
المشاهدات: 0
الحجـــم:	152.0 كيلوبايت


    بالنسبة لينا بقى هندفع عن كل واحد فينا مائة بيسو وللأولاد عن كل طفل ستين بيسو أصل أحنا بالنسبة لهم سياح بقى...يلا كل واحد يحضر فلوسه علشان نقطع التذاكر.

    تعليمات الحديقة قبل الدخول:
    بصوا بقى علشان تكون الرحلة جميلة من غير مشاكل خلونا نلتزم بالقوانين اللي الحديقة عاملها يعني مش هينفع نجيب معانا أكل نهائي أنتم عارفين بقى مش هينفع شغل الحلل والحاجات دي هناك خالص.

    مينفعش بحال من الأحوالب أننا نجيب معانا العاب نارية لأنها خطر وبتضر وتخوف الحيوانات وممكن تسبب حرايق كمان اتفقنا.

    مينفعش تعمل أي سلوكيات غلط يعني تحدف حاجة على الحيوانت أو تضايق الحيوانات بأي صوت أو طريقة ومتزعجش اللي حواليك في لجنينة ماشي .

    مش هيسمحوا لينا ندخل معانا أي حيوانات أليفة زي القطط أو الكلاب ماشي علشام محدش يعارضنا واحنا داخلين .

    الاســـم:	3.jpg
المشاهدات: 0
الحجـــم:	149.2 كيلوبايت


    ملحوظة الناس اللي راحت قبلنا بتقول ان الحديقة لا يوجد بها مقاهي يعني لو احتاجنا نشرب شاي مثلا أو قهوة نجيب معانا التورمس مش عايزين حد ينسى ماشي.

    هل مسموح باستخدام الكاميرا والتصوير في الحديقة مع الحيوانات؟ طبعا مسموح الى جانب انه يمكنك الاستعانة بأحد المصورين هناك.

    كده تمام معانا التذاكر وملتزمين بالتعليمات يلا ندخل ونتفرج على الجنينة من جوا ..

    الاســـم:	2.jpg
المشاهدات: 0
الحجـــم:	385.7 كيلوبايت









    المصغرات المرفقة المصغرات المرفقة اضغط على الصورة لعرض أكبر

الاســـم:	1.jpg‏
المشاهدات:	0
الحجـــم:	219.2 كيلوبايت
الرقم:	7204  

  2. #2
    شكرا استاذ احمد على الموضوع الرائع وننتظر المزيد

  3. #3
    اقتباس المشاركة الأصلية كتبت بواسطة mera مشاهدة المشاركة
    شكرا استاذ احمد على الموضوع الرائع وننتظر المزيد
    العفو أختي الكريمة ياريت بس تكون الرحلة عجبتك وان شا ءالله المرة الجاية أوديكم مكان أجمل ونستمتع كلنا باذن الله .

    دمتي في خير

  4. #4
    ليه كده ازاي عايزنا نتنازل عن طقوسنا ونستغي عن الحلل والمحشي والرنجة ..خلاص انا مش رايحه ..وبعدين تقول نجيب ترمس ليه وشرب الشاي حلاوته بعد الاكل ده ..
    خلينا بقي جد شوية هي فعلا جميلة جدا بس بيتهيألي غاليه ..

  5. #5
    اقتباس المشاركة الأصلية كتبت بواسطة Gadaa essam مشاهدة المشاركة
    ليه كده ازاي عايزنا نتنازل عن طقوسنا ونستغي عن الحلل والمحشي والرنجة ..خلاص انا مش رايحه ..وبعدين تقول نجيب ترمس ليه وشرب الشاي حلاوته بعد الاكل ده ..
    خلينا بقي جد شوية هي فعلا جميلة جدا بس بيتهيألي غاليه ..
    هي رخيصة لو حضرتك حسبت سعر صرف البيسو الفلبيني أمام الدولار أو حتى الجنيه. وياستي الرحلة مجانا يعني هو حد طلب من حد فلوس...دي رحلة هدية لكل أعضاء أسرة أرافيل.
    دمتي في خير ومتنسيش الصور التذكارية.

  6. #6
    اقتباس المشاركة الأصلية كتبت بواسطة ahmedelngar2010 مشاهدة المشاركة
    العفو أختي الكريمة ياريت بس تكون الرحلة عجبتك وان شا ءالله المرة الجاية أوديكم مكان أجمل ونستمتع كلنا باذن الله .

    دمتي في خير
    عجبتنى جدا مستنيه الرحله اللى جايه بقى

  7. #7
    طيب اعملي حسابي معاكي والله حديقة حيوان تفتح النفس للخروج وزيارتها ..
    ..موضوع ظريف بعيد عن السياسة والاخبار ..
    شكرا اخي الكريم علي الدعوة المجانية ..

  8. #8
    اقتباس المشاركة الأصلية كتبت بواسطة Gadaa essam مشاهدة المشاركة
    طيب اعملي حسابي معاكي والله حديقة حيوان تفتح النفس للخروج وزيارتها ..
    ..موضوع ظريف بعيد عن السياسة والاخبار ..
    شكرا اخي الكريم علي الدعوة المجانية ..
    هههههههههه حاضر هنطلع كلنا مع بعض

  9. #9
    اقتباس المشاركة الأصلية كتبت بواسطة mera مشاهدة المشاركة
    عجبتنى جدا مستنيه الرحله اللى جايه بقى
    بس كده حضرتك تأمري أختنا الفاضلة

    - - - Updated - - -

    اقتباس المشاركة الأصلية كتبت بواسطة Gadaa essam مشاهدة المشاركة
    طيب اعملي حسابي معاكي والله حديقة حيوان تفتح النفس للخروج وزيارتها ..
    ..موضوع ظريف بعيد عن السياسة والاخبار ..
    شكرا اخي الكريم علي الدعوة المجانية ..
    أهلا بيكي أختي الكريمة وياريت الدكتور هلال يطلع معانا الرحلة دي والرحلات اللي جاية باذن الله

  10. #10
    المفروض الرحلة ديه تبقي تحت رعاية الدكتور هلال احنا اللي ضيوف عليه ،طبعا يادكتور شوفت الدعوة يلا بقي استعد عايزين نغير جو ونتبسط ...

  11. #11
    اكيد الرحله مش هتكمل غير بدكتور هلال

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •