أنت لم تسجل دخولك بعد
تسجيل الدخول هنا
-------------------
Welcome to Araphil
Register Now
 
طعم الغربة في فم المغترب

Helal Pharmacy
Recruitment from Philippines

النتائج 1 إلى 14 من 14

الموضوع: طعم الغربة في فم المغترب

  1. #1

    طعم الغربة في فم المغترب

    الاســـم:	maxresdefault.jpg
المشاهدات: 6
الحجـــم:	78.3 كيلوبايت


    السلام عليكم ورحمه الله وبركاته
    🔸🔸🔸🔸🔸🔸🔸🔸🔸🔸🔸
    فكرت كتير في الناس اللي بتقرر تسيب بلدها وتسافر لاي بلد تانية سواء سفر للبحث عن عائد مادي بلده مقدرتش توفره او مكانه وتقدير لجهده او لمؤهله الدراسي او لحبه لفكرة السفر او اي سبب تاني ..لكن ياتري كل اللي قدر يسافر ويخرج من بلده ايه اللي افتقده في بلده ومش لاقيه في البلد اللي فيها دلوقتي وايه اللي لقيه في البلد اللي فيها مش موجود في بلده وهل فعلا الغربه مره كما يشاع من المغتربين وكمان هل غربته حققت حلمه ولا اتبهدل ..يعني قدر يعيش ويكون عيله بعيد عن عيلته اللي في بلده

    حاسه الموضوع صعب اوي يمكن علشان فكرة الغربه بالنسبة ليا شخصيا وبعدي عن بلدي صعب اوي معرفش الصراحة ياتري حد كان الموضوع صعب معاه وغير رأيه ..وهل في حد بيفكر ميرجعش بلده غير زيارة .ياريت اي حد جرب الغربه يكلمني عنها بس من فضلكم محدش يسيئ لبلده حتي لو كارها ومش ناوي يرجعلها ..

    شكرا مقدما لكل من سيشارك تجربته .

  2. #2
    انا شخصيا مجربتهاش بس معظم اللى جربها بيبقى ملقاش اللى عايزه فى بلده او لقى فرصه احسن مش عشان البلد وحشه لا عشان الناس هي اللى معظمها وحشه وماشيه بالواسطه وبردو معظم اللى بيتغرب بيتبهدل وبيشتغل شغل كان بيتكبر يشتغله فى بلده بس رأيي البهدله فى بلدك احسن مليون مره من الغربه والبهدله فى بلد غريب

  3. #3
    انا معاكي ان اكيد في سبب لخروجة من بلده ايا كان السبب بيقدر يعيش ازاي وببقدر علي البهدله اللي مقدرش يستحملها في بلده ازاي وبيرضي يشتغل اللي رفضه في بلده زي ما قولتي فعلا ازاي.. اكيد كل ده صعب علي اي مغترب ..

    شكرا ميرا علي مشاركتك 🌹

  4. #4
    اول ما اتغربت من سوريا للسعودية كانت صعبة كتير و خصوصا الحاجات الي كنت متعود عليها متل الاكل و الاهل و الاصدقاء و البيت و الشوارع
    بعدين اتشغلت و التفكير خف
    بعدين صار في حاجة للزواج و اتغربت من السعودية الى الفلبين للزواج و قضيت 6 شهور و كانت اصعب 6 شهور عديت علي في عمري كله بس ازدادت خبرتي بالحياة و اتعلمت اتأقلم و ازددت نضج
    بس بفلسفتي الخاصة و بسبب و ضع بلدي التي ما زالت بالحرب استطيع القول ان الغربة ليست ارض و وطن
    الغربة هي البعد عن الناس
    فالمثل يقول الجنة بلا ناس لا تداس

    ممكن في ناس عايشين ببلادهم بس حاسين بالغربة بسبب هجر اعز الناس لهم
    و ممكن في ناس بعيدين عن مسقط رؤوسهم بس عايشين في سعاده بسبب المحيطين بهم

    ولكن لا انكر ان هنالك شوق و حنين تهب نفحاته على القلب و ذكريات الطفولة و بدايات الشباب و الحل لتخفيف الالم هو عدم التفكير بالماضي و التفكير بما لدي في الوقت الحاضر
    ابني مهدي و زوجتي الغالية فهما بلسم يداوي همومي و هما الأمل الذي يدفعني للمستقبل

  5. #5
    اخي الكريم قبل ما نتكلم عن الغربة احب اقولك ان سوريا من احب الدول العربية لقلبي بشعبها الطيب المهذب يارب يفك كربها ويحميها من اي وغد عايز يخربها ويردك ليها باذن الله انت واسرتك الكريمة ..
    اما بالنسبة للغربه قدرت تتاقلم عليها لوحدك اكيد ده احتاج لجهد كبير بيتهيألي المشاعر ديه صعبه اوي ..طيب ايه اللي لاقيته في البلدين اللي روحتهم مش موجود في بلدك ..وهل معامله اهل البلدين كويسه معاك وطباعهم غير العربية فرقت معاك معلش سؤال حضرتك خرجت من سوريا قبل الحرب ولا بعد .ولو قبل خرجت ليه .
    وربنا يحفظلك اسرتك ويدفعوك دايما للامام .

    شكرا اخي الكريم علي المشاركة .

  6. #6
    شكرا على مشاعرك الحلوه و دعواتك الصادقه
    بارك الله فيكي
    اهم شئ كان غير موجود في السعودية كان الأصدقاء و طبيعة المجتمع في السعودية لم تشعرني بالانسجام
    فالهم الاول للناس هي المصالح الشخصية و المكاسب المادية
    اما بالنسبة للفلبين فالان لدي حنين و شوق للمجتمع الفلبيني فالناس تشعرني باني شخص مرغوب فهم شعب مضياف يحبون الغرباء مما يجعل الانسجام معهم سهل اما بالنسبة لطباعهم غير العربية فأحمد الله أنهم ليسو عرب ( هههه أمزح فقط)
    لا أبدا لم اشعر بفروقات كبيرة كطباع عربيه او فلبينية فالبشر متشابهون من حيث الشخصيات ولكن كاختلاف ديني فهو ما يستحق الذكر فعلا
    فكوني مسلم و نشأت في مجتمع اسلامي والان انتقل للعيش في مجتمع مسيحي كاثوليكي لأرى الاصنام في البيوت و الصلبان في كل مكان تقريبا فهذا هو الشئ الغريب حقا و لكن مع الوقت تأقلمت
    أنا خرجت من سوريا قبل الحرب بسنة و نصف و كان خروجي لسببين
    الاول هو استدعائي للخدمة العسكرية فخرجت من بلدي لاني لا أرغب في اداء الخدمة الالزامية
    الثاني هو سبب مادي

  7. #7
    يعني الفلبين رغم اختلاف الديانة كانت الاقرب والاريح ليك من دولة عربية .طيب هل الغربه حققتلك احلامك اللي بسببها خرجت من بلدك علشانها .وهل الغربة تستاهل الضريبة اللي بتتدفعلها .وتنصح غيرك بيها ولا لاء .

    شكرا جدا اخي الفاضل علي كشف وجه الغربه لمن لا يعرفها ..وشكرا علي سعة صدرك علي اسألتي🌷

  8. #8
    Gadaa essam

    اشكرك جدا على طرح الموضوع
    لأنه موضوع مهم جدا ، ويستحق الحوار

    Abu Mahdi

    كلامك سليم زصائب جدا ، لأن الغربة مش البعد عن المكان وأنما عن الناس والحبايب
    وأدعوا أن ربنا يفك أزمة سوريا ويهون على السوريين جميعا
    ويرجعوا لبلدهم يوم من الأيام

  9. #9
    الغربة مش حاجة وحشة أوي كده وراي الشخصي أن الغربة ساعات بتكون سبب رئيسي ف يتغيير حياة الأنسان اما للاحسن وده الشائع واما للأسوأ وده النادر....السبب الرئيس لاغتراب الانسان أختنا الكريمة هو البحث عن لقمة العيش ....فربما يضيق الحال في مكان ويذهب الانسان الى مكان أخر لمزيد من الفرص وهناك من يتطلع الى حياة أفضل وفرص أفضل ...ودائما ما يكون الاغتراب من دول فقيرة أو حتى نامية الى دول غنية أو دول بها فرص أفضل وأنا علىالمستوى الشخصي أحب فكرة السفر جدا وأشجع عليها طالما لن يؤثر ذلك على أسرتك المسئولة منك أمام الله .

    مشكورة أختنا على الطرح المميز ونتطلع الى المزيد منك دائما .
    دمتي في خير

  10. #10
    الشكر لله واتمني تكون مشاركة اصحاب تجارب السفر الفعلية مفيدة لاعضاء ارافيل وليا بأذن الله ..

  11. #11
    لاء هو السفر مش وحش بس زي ما ليه ايجابياته ليه سلبياته وكتيره علي فكره مش قليله الضريبة بيدفعها المغترب واهل المغترب سيبك من الفلوس اللي ممكن تكون هتعيشهم كويس ..حضرتك المشاعر اللي بتتجمد عند بعض الناس بسبب البعد المشاعر مع الضغط عليها كتير ومحاولة السيطره عليها بعد فتره القلب بيقوي وبياخد علي البعد وزي ما بيقول المثل البعد جفا ده غير ان الانسان لما بيكون متجه اتجاه مادي فقط ونفسه يحقق اللي نفسه فيه بتلقب معاه انه احيانا بيتحول لانسان مادي وحريص احيانا ...وده غير الطباع اللي ممكن ماكنتش في الشخص واكتسبها من المجتمع الجديد اللي دخله وغالبا الشخص ده بيكون شخصيته مش قوية بالقدر الكافي عامل زي السفنجه بيمتص كل شيئ دون تمييز ايه الصالح له من غيره ... وطبعا مع حضرتك ان لقمة العيش سبب رئيسي للسفر ولتحقيق احلام عمرها ما كانت هتتحقق وسبب نجاح ناس كتير بس الناس ديه اكيد عانت اكيد مفيش حاجة كده سهله ..محدش بياكلها بالساهل ..وحكاية حولت ناس للافضل فاكيد حضرتك انه اتعلم انه لازم يدي علشان ياخد وان الحياة مش سبهلله زي ماكان في وسط اهله لما يقع هيلاقي اللي يسنده ويسمي عليه بغربته اتعلم يكون انسان مسؤل وده فعلا جزء ايجابي ..

    شكرا استاذ احمد علي مشاركتك الرأي .🌷

  12. #12
    اقتباس المشاركة الأصلية كتبت بواسطة Gadaa essam مشاهدة المشاركة
    يعني الفلبين رغم اختلاف الديانة كانت الاقرب والاريح ليك من دولة عربية .طيب هل الغربه حققتلك احلامك اللي بسببها خرجت من بلدك علشانها .وهل الغربة تستاهل الضريبة اللي بتتدفعلها .وتنصح غيرك بيها ولا لاء .

    شكرا جدا اخي الفاضل علي كشف وجه الغربه لمن لا يعرفها ..وشكرا علي سعة صدرك علي اسألتي🌷
    نعم. الفلبين رغم اختلاف الديانة كانت الاريح لي من دولة عربية " اسلامية"
    اما بالنسبة للاحلام و الامال التي دفعتني لمغادرة بلدي فلم تتحقق و لكن بعد ازدياد تجاربي في الحياة لم يعد ضروريا تحقيق هذه الامال وهذا لا يعني اني شطبتها من قوائم الواجبات و الضروريات و لكن تم تأجيلها و بنفس الوقت اصبح لدي امال جديدة و اهداف جديدة بل اكثر ضرورة و اهمية مما كنت اظن ان له الاولوية
    فعلى سبيل المثال كنت اظن ان انهائي للدراسة الجامعية هو سبيلي لكسب لقمة العيش و لكن الان فاني ارى الكثير ممن اتموا دراساتهم و لا يعملون بشهاداتهم كما ان رؤيتي لولدي و هو يكبر جعلت لدي اهداف جديدة و امال جديدة بل وامدتني بالوقود الذي يدفعني لتحقيق ما كنت اراه صعبا و بعيد المنال

    اما بالنسبة لدفع ضريبة الغربة فبمقارنة العائد الربحي مع الخسائر فاني اجد ان المنافع التي جنيتها بالاغتراب تعادل 99% امام الخسائر

    اما بالنسبة للنصيحة فاني انصح من يريد الاغتراب بان يتزود وان خير الزاد التقوى
    فاعداد النفس على طاعة الله هو الاساس
    اي كن مع الله ولا تبالي
    فما الفائدة من طبيب او شخص ذو مرتبة علمية محترمة ولكن ليس لديه وازع ديني يذهب لدولة غربية فيها و سائل انحلال اخلاقي مغرية تجعل هذا الشخص يخسر نفسه
    اعرف قصة سمعتها من صحفي مغترب في امريكا اثق بمصداقيته روى هذا الصحفي عن رجل اعمال لبناني يعيش مع عائلته في امريكا حياة رغيدة وتلقى في احد الايام دعوة من فندق ب لاس فيغاس للاقامة المجانية فذهب هذا الشخص مع زوجته و اولاده و هناك اراد ان يجرب المقامرة و رويدا رويدا بدأ بخسارة امواله فعاد في اليوم التالي الى الولاية التي يسكن بها و اعاد الزوجة و الاطفال و اخذ مالديه من اموال في المنزل و بطاقات ائتمانية وعاد الى لاس فيغاس ليستمر بالمقامرة و هناك خسر جميع مالديه و خسر ارصدته البنكية فاتصل بصديقه و طلب منه بيع حصته في الشركة ففعل و ارسل له النقد فقامر به خسره ثم عاد الى بيته فقتل زوجته و اطفاله ثم قتل نفسه
    فهذا شخص خسر ما جنى طيلة عمره و خسر نفسه بين ليلة و ضحاها
    ولا يخفى عنك نماذج للاشخاص الناجحين في الغربة
    برأيي و ما قد أربي عليه طفلي ان اعده اعدادا تربويا صالحا ثم ادعه للحياة وانا مطمئن انه حتى لو ذهب الى لاس فيغاس" طرفة" لا سمح الله فلن يصيبه شئ

    قال تعالى

    إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنفُسِهِمْ قَالُوا فِيمَ كُنتُمْ ۖ قَالُوا كُنَّا مُسْتَضْعَفِينَ فِي الْأَرْضِ ۚ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا ۚ فَأُولَٰئِكَ مَأْوَاهُمْ جَهَنَّمُ ۖ وَسَاءَتْ مَصِيرًا (97) إِلَّا الْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ لَا يَسْتَطِيعُونَ حِيلَةً وَلَا يَهْتَدُونَ سَبِيلًا (98) فَأُولَٰئِكَ عَسَى اللَّهُ أَن يَعْفُوَ عَنْهُمْ ۚ وَكَانَ اللَّهُ عَفُوًّا غَفُورًا (99) ۞ وَمَن يُهَاجِرْ فِي سَبِيلِ اللَّهِ يَجِدْ فِي الْأَرْضِ مُرَاغَمًا كَثِيرًا وَسَعَةً ۚ وَمَن يَخْرُجْ مِن بَيْتِهِ مُهَاجِرًا إِلَى اللَّهِ وَرَسُولِهِ ثُمَّ يُدْرِكْهُ الْمَوْتُ فَقَدْ وَقَعَ أَجْرُهُ عَلَى اللَّهِ ۗ وَكَانَ اللَّهُ غَفُورًا رَّحِيمًا (100)

    وقال صل الله عليه وسلم

    إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه

    دائما ضع الله نصب عينيك و اسعى في مناكبها
    من كانت الدنيا همّه ، فرّق الله عليه أمره ، وجعل فقره بين عينيه ، ولم يأته من الدنيا إلا ما كُتب له ، ومن كانت الآخرة نيّته ، جمع الله له أمره ، وجعل غناه في قلبه ، وأتته الدنيا وهي راغمة

    و دعواتي بالتوفيق للجميع

  13. #13
    شكرا اخي الفاضل علي سعة صدرك وسردك لتجربة الغربة الخاصة بك .
    بالنسبة لاحلامك ان شاء الله تحققها عن قريب .....حضرتك ذكرت جزء مهم وهو جهاد النفس عن المعاصي وبصراحة بارك الله فيك واعانك علي تربية ابنك علي الفضيلة وحسن الخلق والتزين باخلاق الاسلام .
    ديه حضرتك ضريبة من اللي بيدفعها البعض للغربة اعرف ناس اغتربت وخلفت وللاسف بعدت عن الدين قلبا وقالبا واسرهم اتبعوا ديانة تانية .. وناس تانية اتبعت سلوك وطباع البلد اللي هما فيها وبقوا شايفين الخجل واخلاق الاسلام تخلف ولما بينزلوا زيارة يااااه علي كم الارف والانتقاد لبلدهم ..واحترمت ناس تانية باب الهجرة جه لعندهم اكتر من مره ورفضوا علشان مش هيكونوا اد المسؤلية في تربية اولادهم في بلد مختلف الديانة والسلوك والطباع ..
    اتمني من اي مغترب يحاول يجاهد نفسه ويتحلي بالاخلاق مش علشان سافر واغترب الدنيا بقت سداح مداح بالذات لو فكر يعمل اسرة ..ده احنا في مجتمع شرقي والموضوع بيخرج من الايد في بعض الاحيان بتربي وتوجه وتتعب وفي الاخر ابنك يختلط بصاحب اهله نسيوا يربوه يضيع اللي انت تعبت فيه فالموضوع هيبقي اصعب في مجتمع مختلف الطباع وممكن الديانة .
    واخيرا ربنا يرزق كل من خرج للغربه بحثا عن لقمة العيش ويرده لبلده محقق حلمه ان شاء الله....

    شكرا اخي الفاضل مره اخري ..

  14. #14

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •