أنت لم تسجل دخولك بعد
تسجيل الدخول هنا
-------------------
Welcome to Araphil
Register Now
 
الهدايا والمجاملات الفلبينية داخل المجتمع الفلبيني

النتائج 1 إلى 15 من 15

الموضوع: الهدايا والمجاملات الفلبينية داخل المجتمع الفلبيني

  1. #1

    Smile الهدايا والمجاملات الفلبينية داخل المجتمع الفلبيني

    الاســـم:	IMG_1810.JPG
المشاهدات: 19
الحجـــم:	137.3 كيلوبايت


    اذا كنت تنوي الذهاب الى الفلبين للاقامة هناك أو كنت بالفعل مقيم داخل الفلبين فعليك عند زيارة أحد المنازل في الفلبين أن تعرف ما هي أنسب الهدايا والمجاملات الفلبينية التي تحملها معك حيث أن كل مناسبة في الفلبين لها الهدايا الخاصة بها.

    الفلبين بلد له خلفية تاريخية وثقافية عريقة ويتسم المجتمع الفلبيني بالعديد من العادات والتقاليد التي يحرص عليها حتى يومنا هذا وتتعلق ثقافتهم تلك بفكرة الاهداء والمجاملات فلك أن تعلم أن الشعب الفلبيني شعب كريم ومضياف الى أقصى حد وله قواعد صارمة فيما يخص الهدايا فلا يعقل أن تجلب هدية تتعلق بالزواج في حفل عيد ميلاد وطبعا لن يقوم أحد باحراجك على العكس سيقدر الفلبيني أهتمامك وحرصك على مجاملته ولكن بلاشك أن فكرة الهدايا لها مغزى كبير خاصة عندما تتناسب مع مناسبات الفلبين.

    الهدايا والمجاملات الفلبينية في حفلات الزفاف:

    بالطبع في مناسبات الزواج لابد أن يكون الهدايا والمجاملات الفلبينية متناسبة مع هذه المراسم والحفلات حيث يحرص الشعب الفلبيني على اهداء الزوجين هدايا قيمة تفيد الزوجين ويرى أكثر الناس داخل الشارع الفلبيني أن الهدية المادية واعطاء مبلغ من المال للزوجين هو الهدية الأمثل حتى تعطي الفرصة للزوجين في شراء وأختيار الهدية الأنسب والأكثر أحتياج اليها.

    الهدايا والمجاملات الفلبينية في حفل عيد الميلاد :

    عيد الميلاد أو الكريسماس هو أحد أهم الأعياد داخل المجتمع الفلبيني ذو الأغلبية المسيحية ويتميز عيد الميلاد أو الكريسماس بطقوس خاصة جدا داخل المجتمع الفلبيني لذلك اذا صادف تواجدك في الفلبين مع أحتفالات الفلبين بالكريسماس فكن على يقين أن أجمل الهدايا والمجاملات الفلبينية التي يمكن أن تهدي بها صديق فلبيني الشيكولاته فهي الهدية المحببة في تلك المناسبة للكبار والصغار فأحرص على هذه ا لهدية في تلك المناسبة .

    الهدايا والمجاملات الفلبينية في الزيارات المنزلية :

    عند التحضير لزيارة أحد الأصدقاء لك في الفلبين لتناول وجبة الغداء أو العشاء فأحرص على انتقاء الهدية المناسبة معك وأنت ذاهب الى منزل الأسرة الفلبينية ومن أنسب المجاملات والهدايا الفلبينية التي يمكن أن تجلبها معك هي الهدايا الصغيرة مثل قلم هدية أو باقة ورد أو علبة من البونبون حيث أن هذه البهدايا البسيطة لها أثر كبير في نفس الفلبيني في الزيارات الفلبينية, وأحرص على عدام احضار الأطعمة والخمور في الزيارات المنزلية لأنها تعطي انطباعا خاطئا ويمكنك بعد الانصراف من النزل أن تبعث برسالة شكر الى الصديق الفلبيني والذي سيمتن كثيرا لذوقك الرفيع.

    الهدايا والمجاملات الفلبينية في الأنشطة التجارية والأعمال :

    تبادل الهدايا والمجاملات الفلبينية تقليد داخل المجتمع الاقتصادي الفلبيني وعنصر هام في علاقات العمل داخل الأنشطة التجارية وبين
    شركاء الأعمال وهنا يجب أن تكون على معرفة وعلاقة تواصل جيدة مع شريك أو شريكة العمل حتى يمكنك منحه الهدية فلا يعقل أن ترسل هدية الى أحد شركاء العمل دون معرفته بشكل جيد وتعتبر الشيكولاته والشموع أحد أنسب الهدايا بين شركاء العمل ويمكن لك بعد الانتهاء من اتمام أحد الصفقات أن تقوم بدعوة شركاء العمل على حفل عشاء فاخر مثلا أو يمكنك أن ترسل زجاجة عطر متميزة لشركاء العمل وكل هذا سيكون له أثر طيب في نفس الفلبيني وسيولد أنطباعات جيدة ودائمة عنك.


    أخيرا وليس أخرا أود أن أوضح أن الهدايا والمجاملات عموما يكون لها وقع طيب في نفس من يتم مجاملته أو اهدائه لذلك ياريت نحرص على اتباع هذه العادة الفاضلة.


  2. #2
    جميل اوى الموضوع مفيش اجمل من البساطه لانها تدل على رقى الانسان والهدايا بقيمتها مش بثمنها
    مشكور اخى على هذه المعلومات دمت فى خير

  3. #3
    اقتباس المشاركة الأصلية كتبت بواسطة mera مشاهدة المشاركة
    جميل اوى الموضوع مفيش اجمل من البساطه لانها تدل على رقى الانسان والهدايا بقيمتها مش بثمنها
    مشكور اخى على هذه المعلومات دمت فى خير
    الشكر موصول ليكي أختنا الكريمة
    وفعلا زي ما انتي قلتي الهدية بقيمتها وليس بثمنها بس سؤالي هل الكل دلوقتي او حتى الغالبية بقيت تفهم وتقدر المعنى ده ولا ممكن تجيبي لحد هدية وتفاجيء انها لم تعجبه لانها رخيصة الثمن مثلا او جودتها مش اد كده كل واحد حسب امكاناته مش عيب هل لسه حد بيقدر القيمة دي ؟

    دمتي في خير

  4. #4
    طبعا في كذا نوع من الناس
    في ناس عندها الهدية بقيمتها المادية ولازم تكون ماركة معروفة سواء برفيوم هدوم نوع شيكولاتة او اي شيئ تاني ....وفي نوعيه صعبه اوي وديه المفروض لا تتهادي ولا حتي تعبرها اللي هي تاخد الهدية وتبص بصه نص كم وتقولك اه ديه كانت عندي منها واديتها لفلان والله ،،،،،الناس ديه محتاجة قلم علي وشها ،،،وفي بقي الناس الذوق اللي عينيها مليانه وبعيده عن المظاهر ديه بقي عايزينك بس موجود جنبهم ولو هديتهم بأي حاجة بسيطة يحسسوك انك داخل عليهم بعربية همر وكم الفرحة والذوق اللي بتحسها منهم ناس ذوق ذوق ذوق ...
    شكرا اخي الكريم علي موضوعك ..

    - - - Updated - - -

    طبعا بكلامك ده طمنتيني لو هديتك .

  5. #5
    اقتباس المشاركة الأصلية كتبت بواسطة ahmedelngar2010 مشاهدة المشاركة
    الشكر موصول ليكي أختنا الكريمة
    وفعلا زي ما انتي قلتي الهدية بقيمتها وليس بثمنها بس سؤالي هل الكل دلوقتي او حتى الغالبية بقيت تفهم وتقدر المعنى ده ولا ممكن تجيبي لحد هدية وتفاجيء انها لم تعجبه لانها رخيصة الثمن مثلا او جودتها مش اد كده كل واحد حسب امكاناته مش عيب هل لسه حد بيقدر القيمة دي ؟

    دمتي في خير
    طبعا لسه فيه ناس كتير بتقدر قيمة الشئ وليس ثمنه مش كل الناس ماديه واللى يفكر فى ثمن الهديه فقط هو شخص مادى ومش فارق معاه اللى جاب الهديه وبالتالى مش هيقدر قيمتها

    - - - Updated - - -

    اقتباس المشاركة الأصلية كتبت بواسطة Gadaa essam مشاهدة المشاركة
    طبعا في كذا نوع من الناس
    في ناس عندها الهدية بقيمتها المادية ولازم تكون ماركة معروفة سواء برفيوم هدوم نوع شيكولاتة او اي شيئ تاني ....وفي نوعيه صعبه اوي وديه المفروض لا تتهادي ولا حتي تعبرها اللي هي تاخد الهدية وتبص بصه نص كم وتقولك اه ديه كانت عندي منها واديتها لفلان والله ،،،،،الناس ديه محتاجة قلم علي وشها ،،،وفي بقي الناس الذوق اللي عينيها مليانه وبعيده عن المظاهر ديه بقي عايزينك بس موجود جنبهم ولو هديتهم بأي حاجة بسيطة يحسسوك انك داخل عليهم بعربية همر وكم الفرحة والذوق اللي بتحسها منهم ناس ذوق ذوق ذوق ...
    شكرا اخي الكريم علي موضوعك ..

    - - - Updated - - -

    طبعا بكلامك ده طمنتيني لو هديتك .
    حبيبتى تسلمى كفايه ذوقك العالى ده اجمل هديه

  6. #6
    اقتباس المشاركة الأصلية كتبت بواسطة Gadaa essam مشاهدة المشاركة
    طبعا في كذا نوع من الناس
    في ناس عندها الهدية بقيمتها المادية ولازم تكون ماركة معروفة سواء برفيوم هدوم نوع شيكولاتة او اي شيئ تاني ....وفي نوعيه صعبه اوي وديه المفروض لا تتهادي ولا حتي تعبرها اللي هي تاخد الهدية وتبص بصه نص كم وتقولك اه ديه كانت عندي منها واديتها لفلان والله ،،،،،الناس ديه محتاجة قلم علي وشها ،،،وفي بقي الناس الذوق اللي عينيها مليانه وبعيده عن المظاهر ديه بقي عايزينك بس موجود جنبهم ولو هديتهم بأي حاجة بسيطة يحسسوك انك داخل عليهم بعربية همر وكم الفرحة والذوق اللي بتحسها منهم ناس ذوق ذوق ذوق ...
    شكرا اخي الكريم علي موضوعك ..

    - - - Updated - - -

    طبعا بكلامك ده طمنتيني لو هديتك .
    الرسول صلى الله عليه وسلم قال تهادوا تحابوا صدق رسول الله صلى الله عليه وسلم يعني موضوع الهدية والمجاملات ده أمر محبب ومرغوب فيه ولكن الهدية دائما بقيمتها المعنوية يعني مثلا اذا فرضنا ان صديق حاله على اده ومع ذلك في مناسبة معينة مثلا اشترى هدية رخيصة علىا د الحال وجابها لحد عندك وفي نفس الوقت صديق ميسور الحال اشترى هدية ثمنها غالي واحضرها لك فياترى اي من الهديتين هيكون وقعها في النفس اكتر ؟ اكيد اللي الانسان المتواضع ماديا ارهق نفسه علشان يقدر يعبر عن امتنانه ليك ...

    موضوع الناس اللي مش بتقدر قيمة الهدية دول بصراحة بيكون عندهم نقص بين وواضح ومش بيكون أوساء يعني ميستحقوش الكلام عنهم ...

    بس شكلك جربت نوعية الناس اللي مش بيعجبهم العجب دول وشكلك معبية منهم أوي هههه

    دمتي في خير وشكرا على المرور الكريم

    - - - Updated - - -

    [QUOTE=mera;103207]طبعا لسه فيه ناس كتير بتقدر قيمة الشئ وليس ثمنه مش كل الناس ماديه واللى يفكر فى ثمن الهديه فقط هو شخص مادى ومش فارق معاه اللى جاب الهديه وبالتالى مش هيقدر قيمتها


    كلامك مظبوط وأتفق معاكي تماما بس هل أنتي وقعت في موقف من النوع ده قبل كده يعني جبتي هدية لحد وبعدين طلع ميستهلش الهدية ؟؟

  7. #7
    الحمد لله مجربتش النوع ده ..ولو القدر لعب لعبته و وقع حد منهم في قرعتي وجبتله هدية وقال الجملة البايخه ديه هسحب الهدية في نفس ذات اللحظة واحرق دمه بدل ما دمي انا اللي يتحرق ههههه ،،،،انما اعرف ناس فعلا كده وبيتباهوا بأنهم عملوا كده ولو وجهت لهم النصيحة ولا الهوا حاسين ان ده الصح وكمان اعرف ضحايا الناس ديه ..
    فاكر الناس بتاعت موضوع الشغالة الفلبينة للتباهي دول بقي نفس النوعيه بالظبط ..

    شكرا علي موضوعاتك اللي بتخرج طاقة الشر الدفينه هههههه ..

  8. #8
    اقتباس المشاركة الأصلية كتبت بواسطة Gadaa essam مشاهدة المشاركة
    الحمد لله مجربتش النوع ده ..ولو القدر لعب لعبته و وقع حد منهم في قرعتي وجبتله هدية وقال الجملة البايخه ديه هسحب الهدية في نفس ذات اللحظة واحرق دمه بدل ما دمي انا اللي يتحرق ههههه ،،،،انما اعرف ناس فعلا كده وبيتباهوا بأنهم عملوا كده ولو وجهت لهم النصيحة ولا الهوا حاسين ان ده الصح وكمان اعرف ضحايا الناس ديه ..
    فاكر الناس بتاعت موضوع الشغالة الفلبينة للتباهي دول بقي نفس النوعيه بالظبط ..

    شكرا علي موضوعاتك اللي بتخرج طاقة الشر الدفينه هههههه ..
    هههههههههههه ياستي وماله ما هو الناس اللي مبيعجبهاش العجب وغمزوا ويلمزوا على الهدايا دول فعلا مينفعش معاهم غير المعاملة اللي حضرتك قلتيها بس تفتكري أي حد يقدر يعمل كده يعني بصراحة يافندم لو جبتي هدية لحد وحسيته انه مش مقدر تعبك في احضار الهدية هتقدر تأخذي الهدية منه تاني رغم ان ده ممكن يعمل سوء فهم كبير بعد كده أو يسبب احراج ؟!! هتقدري بجد ؟

    عايزين نعرف رأيك

    دمتي في كل خير

  9. #9
    كلامك مظبوط وأتفق معاكي تماما بس هل أنتي وقعت في موقف من النوع ده قبل كده يعني جبتي هدية لحد وبعدين طلع ميستهلش الهدية ؟؟[/quote] بصراحه لا محصلش معايا موقف زى كده لانى عموما مش بجيب هديه غير للشخص اللى يستاهلها

  10. #10
    من ناحيه جبت لحد هدية وطلع ما يستهلش الحمد لله لاء الصراحة ..بس شوفت ناس كتير كده ..

  11. #11
    لاء محصلش معايا الموقف ده خااالص الحمدلله اولا انا بحب اختار الناس اللي اعرفهم وارتاح معاهم اوي ولازم الكميا بتاعتهم تكون قريبه شويه مني ..انما لو حصل ووقعت في الموقف ده معرفش رد فعلي هيكون ايه ممكن لساني يسبقني علشان يغطي احراجي ممكن وشي يحمر واعيط واسييب المكان في لحظة بصراحة وده الاقرب ليا ...بس مش هعرف الشخص ده تاني ابدا وهيبقي خسرني وخسر هديتي الجميلة اللي خسارة في شكله ...امال بقول طاقة الشر الدفينه ليه ..
    خلينا جد شويه لازم الانسان يحاول يقابل السيئه بالحسنه زي ما امرنا رسولنا الكريم عليه الصلاة والسلام ..

  12. #12
    شكرا ميرا ده من ذوقك انتي ..انتي تستهلي احسن حاجة مش هدية بس .

  13. #13
    اقتباس المشاركة الأصلية كتبت بواسطة mera مشاهدة المشاركة
    كلامك مظبوط وأتفق معاكي تماما بس هل أنتي وقعت في موقف من النوع ده قبل كده يعني جبتي هدية لحد وبعدين طلع ميستهلش الهدية ؟؟
    بصراحه لا محصلش معايا موقف زى كده لانى عموما مش بجيب هديه غير للشخص اللى يستاهلها[/quote]

    شكلك مش بتجيبي هدية للي يستاهل واللي ميستهلش شكلك مش بتجيبي هدية أصلا ميرا هههههههه.ما عندك أهو أحنا في ارافيل مشفناش حتى كتاب هدية نحمل من النت هههههههه.
    والله قولا واحدا الهدية دي بتفرح أي حد بس زي ما قلتي أختي الكريمة لازم تكون لحد يستاهل .

    دمتي في خير وشكرا على التواصل المثمر

    - - - Updated - - -

    اقتباس المشاركة الأصلية كتبت بواسطة Gadaa essam مشاهدة المشاركة
    لاء محصلش معايا الموقف ده خااالص الحمدلله اولا انا بحب اختار الناس اللي اعرفهم وارتاح معاهم اوي ولازم الكميا بتاعتهم تكون قريبه شويه مني ..انما لو حصل ووقعت في الموقف ده معرفش رد فعلي هيكون ايه ممكن لساني يسبقني علشان يغطي احراجي ممكن وشي يحمر واعيط واسييب المكان في لحظة بصراحة وده الاقرب ليا ...بس مش هعرف الشخص ده تاني ابدا وهيبقي خسرني وخسر هديتي الجميلة اللي خسارة في شكله ...امال بقول طاقة الشر الدفينه ليه ..
    خلينا جد شويه لازم الانسان يحاول يقابل السيئه بالحسنه زي ما امرنا رسولنا الكريم عليه الصلاة والسلام ..

    صلى الله عليه وسلم كلامك سليم وأتفق معك بس خليكي قوية نصيحة وأوعي في موقف زي كده تقولي ههرب من المكان وممكن أبكي وأسيب الشخص ده لا خليكي قوية واثقة من نفسك واذا شعرتي ان الشخص ده لا يستاهل الهدية يبقى أحسن حل انك تعكس الموضوع ازاي ؟

    تحسسسيه ان قيمته هي كده وانه ميستاهلش أحسن من كده يعني مش عجبك الهدية براحتك بس هي دي قيمتك عندي ....ساعتها مش هتضايقي ولا تبكي بالعكس ده انتي تبقى كسبتي الموقف واديتيلو هو أو هي درس يخليه يحترم أي هدية بعد كده....
    انتي اللي فتحت طاقة الشر الدفينة ههههههههههه.

    دمتي في خير

  14. #14
    شكرا استاذي الفاضل علي النصيحة وفكرتني بتصرف اخويا زمان ايام ابتدائي كان معايا في نفس المدرسة يسبقني شوية لما كنت ازعل من صحبتي كانت بتصعب عليا نفسي اوي واقابله في الفسحة بعيط وكان يشد عليا ويزعق ويقولي اوعي تعيطي ابدا من حد ولا قدام حد ضيقيها زي ما ضيقتك....
    بس سيبك ماشاء الله حضرتك طلعت شاطر وبتعرف تنتقم وتحرق الدم بشياكة ..

  15. #15
    اقتباس المشاركة الأصلية كتبت بواسطة Gadaa essam مشاهدة المشاركة
    شكرا استاذي الفاضل علي النصيحة وفكرتني بتصرف اخويا زمان ايام ابتدائي كان معايا في نفس المدرسة يسبقني شوية لما كنت ازعل من صحبتي كانت بتصعب عليا نفسي اوي واقابله في الفسحة بعيط وكان يشد عليا ويزعق ويقولي اوعي تعيطي ابدا من حد ولا قدام حد ضيقيها زي ما ضيقتك....
    بس سيبك ماشاء الله حضرتك طلعت شاطر وبتعرف تنتقم وتحرق الدم بشياكة ..
    ههههههههههههه كل ده فيا يافندم الأول بطلع طاقة الشر الدفينة ودلوقتي بعرف انتقم واحرق الدم يا جماعة محدش يصدق ههههههههه ده أنا غالبااااااااان على رأي عادل امام في المسرحية.

    ربنا يديم المعروف أختنا الكريمة


الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •